Edukativnu radionicu „Učimo o šumama uz puha Đorđa i djevojčicu Taru” održaće poznati i višestruko nagrađivani crnogorski pisac za djecu Žarko Vučinić.

Radionica će biti organizovana u ponedjeljak, 3. juna, u Multimedijalnoj sali KIC-a, od 18 sati.

Cilj edukativne radionice je povećanje svijesti djece i mladih o važnosti i zaštiti šuma kroz promovisanje ekoloških vrijednosti odgovornog društva.

Koncept radionice je da se mladima od III do VI razreda osnovnih škola u Crnoj Gori, na savremen i originalan način, predstave prirodne vrijednosti šuma, kao i da im se ukaže na značaj i aktivnu ulogu njih samih u očuvanju životne sredine. Uz druženje sa poznatim literarnim junacima puhom Đorđem i djevojčicom Tarom (autora Žarka Vučinića) predstaviće osnovne karakteristike šuma i šumarstva, skrivena prirodna bogatstva naših monumentalnih stabala, važnost njihovog očuvanja, koncept “Svijet bez otpada” – Zero Waste, kako bi se podstakla želja mladih za aktivnim boravkom u prirodi. To se namjerava postići putem: informisanja, edukacije i interaktivnog uključivanja mladih i nastavnika prisutnih na radionici.

KIC “BUDO TOMOVIĆ”